សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពីរ៉យទ័រ បានរាយការណ៍ថា តម្លៃប្រេងបានធ្លាក់ចុះបន្តិច ខណៈដែលតម្រូវការនៅអាម៉េរិកធ្លាក់ចុះជាមួយនឹងការផ្គត់ផ្គង់លើស និងក្ដីព្រួយបារម្ភអំពីជម្លោះភូមិសាស្រ្តនយោបាយ។
នៅព្រឹកថ្ងៃទី១២ ខែកញ្ញា នេះ តម្លៃប្រេងឆៅម៉ាក Brent ធ្លាក់ចុះ ០,៤៥% ឬ នៅសល់ ៦៦,០៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ធ្លាក់ចុះ ០,៥០% ឬនៅសល់ ៦២,០៦ ដុល្លារក្នុងមួយបារ៉ែល។
កាលពីខែសីហា តម្លៃទំនិញប្រើប្រាស់របស់អាម៉េរិកឡើងថ្លៃដល់កម្រិតខ្ពសបំផុតក្នុងរយៈពេលប្រាំពីរខែ ដែលធ្វើឲ្យពលរដ្ឋកាត់បន្ថយការចំណាយជំរុញអោយមានការធ្លាក់ចុះនៃតម្រូវការ។ របាយការណ៍រដ្ឋបាលព័ត៌មានថាមពល បង្ហាញថា ស្តុកប្រេងឆៅរបស់អាម៉េរិកបានកើនឡើងបន្ថែម ៣,៩ លានបារ៉ែល ឬ មានបរិមាណសរុប ៤២៤,៦ លានបារ៉ែល។ ការកើនឡើងនៅក្នុងស្តុកប្រេងមានន័យថា តម្រូវការប្រេងកំពុងធ្លាក់ចុះ។គេរំពឹងខ្ពស់ថា ធនាគារកណ្តាលអាម៉េរិក Federal Reserve នឹងព្រមកាត់បន្ថយអត្រាការប្រាក់នៅពេលខាងមុខនេះ ដើម្បីជំរុញកំណើនសេដ្ឋកិច្ច និងតម្រូវការប្រេងឡើងវិញ។
សូមរំលឹកថា កាលពីថ្ងៃព្រហស្បតិ៍ សប្ដាហ៍នេះ ទីភ្នាក់ងារថាមពលអន្តរជាតិ (IEA) បង្ហាញអំពីរបាយការណ៍ប្រចាំខែរបស់ខ្លួនថា ការផ្គត់ផ្គង់ប្រេងពិភពលោកនឹងកើនឡើងយ៉ាងឆាប់រហ័សជាងការរំពឹងទុកនៅឆ្នាំនេះ ដោយសារការកើនឡើងនៃទិន្នផលប្រេងរបស់ក្រុមប្រទេសនាំចេញប្រេង និងសម្ព័ន្ធមិត្ត OPEC+។ កាលពីសប្តាហ៍មុន OPEC+ សម្រេចចិត្តបង្កើនទិន្នផលប្រេងរបស់ខ្លួនបន្ថែមក្នុងបរិមាណតិចជាងមុនចាប់ពីខែតុលាតទៅ ខណៈអារ៉ាប៊ីសាអូឌីតជាប្រធានជំរុញឱ្យទទួលបានចំណែកទីផ្សារឡើងវិញ។ លើសពីនេះ ការនាំចេញប្រេងឆៅរបស់អារ៉ាប៊ីសាអូឌីតទៅកាន់ប្រទេសចិននឹងកើនឡើង ដោយសារក្រុមហ៊ុនថាមពលគ្រប់គ្រងដោយរដ្ឋ Aramco នឹងដឹកជញ្ជូនប្រហែល ១,៦៥ លានបារ៉ែលក្នុងមួយថ្ងៃនៅខែតុលា ដែលកើនឡើងពី ១,៤៣ លានបារ៉ែលក្នុងមួយថ្ងៃកាលពីខែកញ្ញា។
IEA លើកឡើងថា រុស្ស៊ីដែលជាប្រទេសផលិតប្រេងឆៅធំជាងគេទីពីររបស់ពិភពលោកបានធ្លាក់ចុះប្រាក់ចំណូលពីការលក់ប្រេងដល់កម្រិតទាបបំផុតមួយកាលពីខែសីហា បើគិតចាប់តាំងពីមានជម្លោះជាមួយនឹងអ៊ុយក្រែន។ ទន្ទឹមនឹងនេះ រុស្ស៊ីគ្រោងនឹងកាត់បន្ថយការនាំចេញប្រេង ESPO Blend ពីកំពង់ផែ Kozmino ៤ លានតោនគូបនៅក្នុងខែកញ្ញានេះ៕
Account
Security
Favourite Content