សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ សារព័ត៌មានអន្តរជាតិធំៗមួយចំនួនបានចេញផ្សាយស្រដៀងគ្នាកាលពីពេលថ្មីៗនេះថា សហរដ្ឋអាម៉េរិក បានរៀបចំផែនការដ៏ធំមួយយ៉ាងសម្ងាត់ក្នុងការបង្កើតឲ្យបានតំបន់មហាអំណាចថ្មីមួយទៀតដែលមានប្រជាជាតិធំៗចំនួន៥ ជាសមាជិក ដោយក្នុងនោះមានទាំងប្រទេសរុស្ស៊ី ចិន ឥណ្ឌា និងប្រទេសជប៉ុនផងដែរ។
សម្រាប់ការចេញផ្សាយជាបន្តបន្ទាប់ពីផែនការសម្ងាត់មួយនេះ បណ្តាញផ្សព្វផ្សាយ Defense One បានរៀបរាប់ថា ឯកសារកំណែដែលបានផ្សព្វផ្សាយមុនពេលសេតវិមានបោះពុម្ភជាផ្លូវការនេះត្រូវបានគេរាយការណ៍ថា អាម៉េរិកនឹងរៀបចំស្នើបង្កើតឲ្យបានក្រុមប្រទេសថ្មីមួយដែលមានឈ្មោះថា ‘Core 5’ ជាវេទិកាសម្រាប់ការសន្ទនាគ្នាក្នុងចំណោមមហាអំណាចធំ ៗទាំង៥ ដែលស្ថិតនៅខាងក្រៅក្របខ័ណ្ឌ G7 ។
ប្រភពដដែលបានបញ្ជាក់ទៀតថា ផែនការបង្កើតវេទិកា Core 5 នេះនឹងត្រូវរៀបចំឲ្យមានកិច្ចប្រជុំថ្នាក់កំពូលជាទៀងទាត់ដូចទៅនឹងអ្វីដែលប្លុក G7 កំពុងអនុវត្តដែរ ហើយកិច្ចប្រជុំនីមួយៗនឹងមានរបៀបវារៈច្បាស់ៗ រៀងៗខ្លួន ដែលមានរួមទាំងបញ្ហាសន្តិសុខនៅមជ្ឈឹមបូព៌ា និងការធ្វើឱ្យទំនាក់ទំនងរវាងអ៊ីស្រាអែល ជាមួយអារ៉ាប៊ីសាអូឌីត កើតមានជាធម្មតាឡើងវិញ ជាដើម ដែលនឹងត្រូវធ្វើនៅក្នុងជំនួបកំពូលដំបូងបំផុតនាពេលខាងមុខ។
យ៉ាងណាក្តី គេសង្កេតឃើញថា ឯកសារនេះគឺបានដាក់ចេញនូវផែនការដែលអាចនឹងបន្ទាបតួនាទីរបស់ទីក្រុងវ៉ាស៊ីនតោនក្នុងវិស័យការពារជាតិ ជំរុញឱ្យអង្គការណាតូឆ្ពោះទៅរកគំរូនៃការចែករំលែកបន្ទុកដ៏តឹងរ៉ឹង ហើយផ្តោតលើទំនាក់ទំនងទ្វេភាគីជាមួយនឹងអូទ្រីស ហុងគ្រី អ៊ីតាលី និងប៉ូឡូញ ជំនួសឲ្យទំនាក់ទំនងជាមួយរដ្ឋាភិបាលសហភាពអឺរ៉ុបវិញ។
ដោយឡែកបើយោងតាមការចេញផ្សាយដោយកាសែត Politico វិញ អ្នកនាំពាក្យសេតវិមាន លោកស្រី Anna Kelly បានលើកឡើងថា មកទល់ពេលនេះ នៅមិនទាន់មានការផ្លាស់ប្តូរ ឬកំណែឯកសារណាមួយលើសពីផែនការ ៣៣ទំព័រ ដែលធ្លាប់បានចេញផ្សាយកាលពីពេលកន្លងទៅនោះទេ។
ងាកទៅខាងភាគីនៅវិមានក្រឹមឡាំងឯណោះវិញ បានធ្វើការឆ្លើយតបថា ខ្លួនក៏មិនទាន់បានឃើញសេចក្តីថ្លែងការណ៍ផ្លូវការណាមួយពីទីក្រុងវ៉ាស៊ីនតោនស្តីពីផែនការដែលបានរាយការណ៍នោះដែរ ហើយអះអាងថា មុនពេលសម្រេចចេញប្រកាសជាផ្លូវការ គួរណាស់ត្រួតតែពិនិត្យឲ្យបានដិតដល់បំផុតជាមុនសិន។
សូមរំលឹកដែរថា កាលពីឆ្នាំ២០១៤ ប្រទេសរុស្ស៊ី ត្រូវបានអាម៉េរិក ទាត់ចេញពីក្រុមប្រទេស G8 ដោយសារបញ្ហាលុកលុយតំបន់គ្រីមៀ ហើយចាប់តាំងពីពេលនោះមកគេមិនបានឃើញវត្តមានរុស្ស៊ីមានឱកាសបានត្រឡប់ចូលរួមប្លុកនេះវិញនោះឡើយ ខណៈដែលមេដឹកនាំនៃប្រទេសមហាអំណាចរុស្ស៊ី ក៏តែងតែបដិសេធ និងបង្ហាញពីអារម្មណ៍ដែលមិនមានផែនការចូលរួម G8 វិញនោះដែរ៕
Account
Security
Favourite Content