សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ សមាជិកធនាគារកណ្តាលអាម៉េរិក Federal Reserve បានបោះឆ្នោតរក្សាអត្រាការប្រាក់នៅដដែល ខណៈដែលលោក Jerome Powell ជាប្រធានបានប្តេជ្ញាការពារសារៈសំខាន់នៃឯករាជ្យភាពរបស់ធនាគារកណ្តាលពីសម្ពាធនយោបាយ នេះបើយោងតាមសេចក្ដីរាយការណ៍ពី BBC ។
ប្រធានាធិបតីអាម៉េរិក លោក Donald Trump តែងតែរិះគន់លោក Jerome Powell ពីរឿងមិនកាត់បន្ថយអត្រាការប្រាក់។ លើសពីនេះ រដ្ឋអាជ្ញាសហព័ន្ធបានបើកការស៊ើបអង្កេតព្រហ្មទណ្ឌ បន្ទាប់ពីលោក Powell ធ្វើអត្ថាធិប្បាយអំពីការជួសជុលអគាររបស់ធនាគារកណ្តាលអាម៉េរិកនៅចំពោះមុខព្រឹទ្ធសភា។
កាលពីថ្ងៃពុធ សប្ដាហ៍នេះ លោក Powell បានបដិសេធមិនធ្វើអត្ថាធិប្បាយលើការស៊ើបអង្កេតនេះទេ ប៉ុន្តែលោកបានបញ្ជាក់ថា ប្រសិនបើធនាគារកណ្តាលបាត់បង់ឯករាជ្យភាពរបស់ខ្លួន វានឹងពិបាកក្នុងការស្ដារមុខមាត់របស់ស្ថាប័ននេះឡើងវិញ។ ប្រធានធនាគារកណ្តាលរូបនេះ សង្កត់ធ្ងន់លើសារៈសំខាន់នៃឯករាជ្យភាពរបស់ធនាគារកណ្តាល ដើម្បីធានាថាគោលនយោបាយរូបិយវត្ថុមិនត្រូវបានប្រើប្រាស់សម្រាប់ផលប្រយោជន៍នយោបាយ។ ការស៊ើបអង្កេតរបស់រដ្ឋាភិបាលចំពោះរូបលោកគឺកើតចេញពីកំហឹងរបស់លោក Trump ទៅលើការបដិសេធមិនព្រមកាត់បន្ថយអត្រាការប្រាក់។
លោក Powell ក៏បានលើកពីហេតុផលនៃការសម្រេចរក្សាអត្រាការប្រាក់ផងដែរថា ដោយសារភាពរឹងមាំនៃសេដ្ឋកិច្ចបានបង្កភាពភ្ញាក់ផ្អើលម្តងទៀត ដែលវាជាសញ្ញាបង្ហាញថា ទីផ្សារការងារកំពុងមានស្ថិរភាព ខណៈដែលអត្រាគ្មានការងារធ្វើបានធ្លាក់ចុះ។ ជាក់ស្ដែង នៅក្នុងឆមាសទី២ នៃឆ្នាំ២០២៥ ក្ដីព្រួយបារម្ភពីការធ្លាក់ចុះនៃទីផ្សារការងារគឺខ្ពស់ជាងភាពភ័យខ្លាចលើអតិផរណា។ អត្រាអតិផរណាអាម៉េរិក គឺ ២,៧% ដែលលើសពីគោលដៅ ២% របស់ធនាគារកណ្តាល ប៉ុន្តែអ្នកបង្កើតគោលនយោបាយកំពុងបន្តតាមដានឥទ្ធិពលលើសេដ្ឋកិច្ច បន្ទាប់ពីមានការកាត់បន្ថយការប្រាក់ចំនួន ៣ ដងកាលពីឆ្នាំមុន៕
Account
Security
Favourite Content