សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ច្បាប់ស្តីពីការអនុម័តយល់ព្រមលើកិច្ចព្រមព្រៀងពាណិជ្ជកម្មសេរីរវាងរាជរដ្ឋាភិបាលកម្ពុជា និងរដ្ឋាភិបាលចិន The Cambodia-China free trade agreement (CCFTA) ត្រូវបានអនុម័តក្រោមសម្លេងគាំទ្រឯកច្ឆ័ន្ទទាំងស្រុង ក្នុងកិច្ចប្រជុំរដ្ឋសភាពេញអង្គក្រោមអធិបតីភាពដ៏ខ្ពង់ខ្ពស់របស់ប្រធានរដ្ឋសភាសម្តេចអគ្គមហាពញាចក្រី ហេង សំរិន។
សេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងពាណិជ្ជកម្មសេរីរវាងរាជរដ្ឋាភិបាលកម្ពុជា និងរដ្ឋាភិបាលចិន គឺជាសេចក្តីព្រាងច្បាប់ដ៏សំខាន់មួយក្នុងចំណោមសេចក្តីព្រាងច្បាប់ចំនួន៧ ដែលត្រូវបានអនុម័តក្នុងកិច្ចប្រជុំរដ្ឋសភាពេញអង្គនៅថ្ងៃទី៩កញ្ញា ដែលជាកិច្ចព្រមព្រៀងមួយជំរុញកាន់តែខ្លាំងនូវសន្ទុះដំណើរការសេដ្ឋកិច្ចរបស់កម្ពុជា។
គំនិតផ្តួចផ្តើមនៃកិច្ចចរចា FTA ទ្វេភាគីត្រូវបានធ្វើឡើងនៅដើមឆ្នាំ២០១៩ ហើយក្រុមការងារនៃប្រទេសទាំងពីរបានចាប់ផ្តើមកិច្ចពិភាក្សាជាច្រើនជុំ។ សេចក្តីព្រាងច្បាប់ដែលរំពឹងថានឹងត្រូវអនុវត្តយ៉ាងពេញលេញនៅឆ្នាំក្រោយមានសារៈសំខាន់សម្រាប់ប្រទេសកម្ពុជាក្នុងការធ្វើពិពិធកម្មទីផ្សារនាំចេញសម្រាប់ផលិតផលរបស់ខ្លួន។
មន្ត្រីរដ្ឋាភិបាលកម្ពុជា និងប្រទេសចិនបានចុះហត្ថលេខាលើកិច្ចព្រមព្រៀងពាណិជ្ជកម្មសេរីរវាងគ្នា និងគ្នាចាប់តាំងពីថ្ងៃទី១២តុលា ឆ្នាំ២០២០ ក្នុងដំណើរទស្សនកិច្ចរបស់រដ្ឋមន្ត្រីក្រសួងការបរទេសចិនលោក វ៉ាង យី ។ រដ្ឋមន្ត្រីក្រសួងពាណិជ្ជកម្មនៃប្រទេសទាំង២កម្ពុជា -ចិន នាពេលនោះ បានស្ថិតក្រោមអធិបតីភាពសម្តេចនាយករដ្ឋមន្ត្រី ហ៊ុន សែន និងរដ្ឋមន្ត្រីការបរទេសចិន លោក វ៉ាង យី បានចុះហត្ថលេខាលើកិច្ចព្រមព្រៀងពាណិជ្ជកម្មសេរីរវាងប្រទេសទាំង២ នៅវិមានសន្តិភាព។
ភាគីទាំងពីរបានបញ្ចប់ការពិភាក្សានៅក្នុងខែកក្កដា ហើយសេចក្តីព្រាងច្បាប់នោះត្រូវបានចុះហត្ថលេខាជាផ្លូវការដើម្បីកត់សំគាល់នៅខែតុលាស្របពេលដំណើរទស្សនកិច្ចរបស់លោក វ៉ាង យី ទីប្រឹក្សារដ្ឋ និងជារដ្ឋមន្ត្រីក្រសួងការបរទេសចិននៅកម្ពុជានាពេល២ថ្ងៃខាងមុខ។
ក្នុងអំឡុងបំពេញទស្សនកិច្ចនៅកម្ពុជានេះ សម្តេចនាយករដ្ឋមន្ត្រី ហ៊ុន សែន និងរដ្ឋមន្ត្រីការបរទេសចិន នឹងអញ្ជើញជាអធិបតីភាពក្នុងពិធីប្រកាសប្រគល់ និងទទួលពហុកីឡដ្ឋានជាតិមរតកតេជោដែលជាជំនួយរបស់សាធារណរដ្ឋប្រជាមានិតចិន។
ទីប្រឹក្សារដ្ឋ និងជារដ្ឋមន្រ្តីក្រសួងការបរទេសចិន លោក វ៉ាង យី នឹងធ្វើទស្សនកិច្ចផ្លូវការរយៈពេល២ថ្ងៃក្នុងរាជធានីភ្នំពេញគឺនៅថ្ងៃទី១២ និង ១៣ ខែកញ្ញា តបតាមការអញ្ជើញរបស់លោកឧបនាយករដ្ឋមន្រ្តី ប្រាក់ សុខុន ដែលជារដ្ឋមន្រ្តីក្រសួងការបរទេសកម្ពុជា។
រដ្ឋមន្ត្រីក្រសួងពាណិជ្ជកម្ម ឯកឧត្តម ប៉ាន សូរស័ក្តិ ធ្លាប់មានប្រសាសន៍កាលពីពេលកន្លងទៅថា ប្រទេសកម្ពុជាមានកិច្ចព្រមព្រៀងពាណិជ្ជកម្មទ្វេភាគី និងពហុភាគីដែលនឹងបង្កើន និងបើកទីផ្សារកាន់តែទូលំទូលាយសម្រាប់ផលិតផលពីកម្ពុជា ជាពិសេសផលិតផលកសិកម្ម។
ឯកឧត្តមបានបន្តថា កម្ពុជានឹងមានទីផ្សារសម្រាប់ផលិតផលកាន់តែច្រើន ដោយកម្ពុជាអាចផលិតនូវផលិតផលដែលត្រូវតាមស្តង់ដារចិន និងបណ្តុះបណ្តាលបុគ្គលិកដែលមានជំនាញខ្ពស់ដើម្បីពង្រឹងវិស័យសេវាកម្មរបស់ព្រះរាជាណាចក្រកម្ពុជា។ ក្រសួងពាណិជ្ជកម្មកម្ពុជា ធ្លាប់បានបញ្ជាក់ថាក្រោមកិច្ចព្រមព្រៀងនេះ កម្ពុជានឹងទទួលបានការអនុគ្រោះពន្ធនូវទំនិញជាង ៣០០មុខ។ ប្រទេសចិននឹងយល់ព្រមអនុគ្រោះពន្ធរហូតដល់ ៩៥ភាគរយនៃទំនិញនាំចេញកសិកម្មរបស់កម្ពុជា។ ក្នុងនោះ កម្ពុជា និងប្រទេសចិន ក៏បានប្តេជ្ញាបង្កើនពាណិជ្ជកម្មទ្វេភាគីដល់ ១០ ពាន់លានដុល្លារនៅឆ្នាំ២០២៣ ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមប្រឹក្សាស្តង់ដារជាតិ អនុម័តស្តង់ដារកម្ពុជាចំនួន ៤៥ ដើម្បីលើកកម្ពស់ភាពប្រកួតប្រជែងផ្នែកឧស្សាហកម្ម និងការធ្វើពាណិជ្ជកម្មអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/07/2026
ក្រុមប្រឹក្សាស្តង់ដារជាតិ អនុម័តស្តង់ដារកម្ពុជាចំនួន ៤៥ ដើម្បីលើកកម្ពស់ភាពប្រកួតប្រជែងនៃឧស្សាហកម្ម និងការធ្វើពាណិជ្ជកម្មអន្តរជាតិ
ប៊ុលហ្ការី-អាល្លឺម៉ង់ ពង្រឹងកិច្ចសហប្រតិបត្តិការលើវិស័យបញ្ញាសិប្បនិម្មិត និងមនុស្សយន្ត
ព្រឹត្តិការណ៍, អាជីវកម្មថ្មី និងនវានុវត្ត
• 14/07/2026
លោកនាយករដ្ឋមន្ត្រីប៊ុលហ្ការី លោក Rumen Radev នៅសប្តាហ៍នេះ បានជួបពិភាក្សាការងារជាមួយតំណាងវិទ្យាស្ថានស្រាវជ្រាវ និងគ្រឹះស្ថានបោះពុម្ពផ្សាយធំៗរបស់ប្រទេសអាល្លឺម៉ង់ នៅទីស្ដីការគណៈរដ្ឋមន្ត្រី ដើម្បីពិភាក្សាអំពីការបន្តពង្រីកកិច្ចសហប្រតិបត្តិការទ្វេភាគីលើវិស័យឧស្សាហកម្មបច្ចេកវិទ្យាជាន់ខ្ពស់ នវានុវត្តន៍ និងការស្រាវជ្រាវវិទ្យាសាស្ត្រ
ធនាគារ ជីប ម៉ុង ធនាគារខ្មែរ ឈ្នះពានរង្វាន់ដ៏មានកិត្យានុភាពពីអន្តរជាតិធំៗចំនួន ២ សម្រាប់ឆ្នាំ២០២៦ ពីស្ថាប័ន Global Banking & Finance Review
ព្រឹត្តិការណ៍, អត្ថបទពាណិជ្ជកម្ម
• 14/07/2026
ធនាគារ ជីប ម៉ុង ធនាគារខ្មែរ ឈ្នះពានរង្វាន់ដ៏មានកិត្យានុភាពពីអន្តរជាតិធំៗចំនួន ២ សម្រាប់ឆ្នាំ២០២៦ ពីស្ថាប័ន Global Banking & Finance Review
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content