សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អ្នកជំនាញសេដ្ឋកិច្ច ក៏ដូចជាអ្នកជំនួញផ្នែកដំណាំកៅស៊ូនៅកម្ពុជាបានបង្ហាញពីភាពសុទិដ្ឋិនិយមថា តម្រូវការទីផ្សារកៅស៊ូ រួមជាមួយនឹងតម្លៃអាចនឹងកើនឡើងជាងពេលបច្ចុប្បន្នបន្ទាប់ពីបណ្តារោងចក្រផលិតសម្បកកងឡានខ្នាតធំរបស់ចិន ក៏ដូចជាមកពីបណ្តាប្រទេសផ្សេងទៀតបង្ហាញវត្តមាន និងសកម្មភាពនៅក្នុងប្រទេសកម្ពុជានៅពេលដ៏ខ្លីខាងមុខនេះ។
ជាទូទៅមានការលើកឡើងថា កម្ពុជាគឺជាប្រទេសមួយស្ថិតនៅក្នុងចំណោមបណ្តាប្រទេសផ្សេងទៀតនៅតំបន់អាស៊ីដែលដាំដំណាំកៅស៊ូ ប៉ុន្តែហាក់នៅតែជាមិនទាន់មានតម្រូវការទីផ្សារក្នុងស្រុកធំធេង និងច្បាស់លាស់ក្នុងការទទួលទិញកៅស៊ូពីសហគ្រាស ឬពីគ្រួសារនៅឡើយ ដោយភាគច្រើនកៅស៊ូដែលប្រមូលបានត្រូវនាំចេញទៅកាន់ទីផ្សារប្រទេសជិតខាង។
លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានមើលឃើញថា ភាពល្អប្រសើរនៃទីផ្សារកៅស៊ូក្នុងស្រុកនឹងកើតមានឡើងបន្ទាប់ពីរោងចក្រផលិតសម្បកកងឡានខ្នាតធំរបស់អន្តរជាតិ ជាពិសេសមកពីប្រទេសចិនចាប់ផ្តើមដំណើរការដូចការគ្រោងទុក។
លោកឧកញ៉ាបានមានប្រសាសន៍ថា ៖
«តម្លៃកៅស៊ូបច្ចុប្បន្ននៅថេរគ្រាន់បើ តែការប្រមូលទិញក្នុងស្រុកនៅមិនទាន់មាននៅឡើយ ! តែយ៉ាងណា ខ្ញុំសង្ឃឹមថាក្រោយរោងចក្រនេះដំណើរការ នឹងមានការប្រមូលទិញកៅស៊ូក្នុងស្រុក កៅស៊ូគ្រួសារ ក៏ដូចជាកៅស៊ូពីក្រុមហ៊ុនកែច្នៃផងដែរ ដែលនាំឲ្យយើងមានទីផ្សារថែមទៀត»
លោកឧកញ៉ាបានសង្កត់ធ្ងន់ថា កម្ពុជាក៏មានផងដែរនូវច្បាប់វិនិយោគថ្មីដែលសំដៅបង្កើតឲ្យមានតំណភ្ជាប់សហគ្រាសធុនតូច និងមធ្យម ទៅកាន់រោងចក្រកែច្នៃនាំចេញ ដោយសម្រួលទៅដល់វិនិយោគិនតាមរយៈការលើកលែងអាករលើតម្លៃបន្ថែម (VAT) ១០%។ នេះជាការលើកទឹកចិត្តទៅដល់ក្រុមហ៊ុនកែច្នៃឲ្យទទួលទិញវត្ថុធាតុដើមដែលមាននៅក្នុងស្រុកស្រាប់ ជួយទៅដល់សេដ្ឋកិច្ចកសិករក្នុងស្រុក ព្រមទាំងកាត់បន្ថយការនាំចូលវត្ថុធាតុដើមពីបរទេស ដោយត្រូវឆ្លងកាត់ពន្ធនាំចូល។
យោងតាមរបាយការណ៍ របស់អគ្គនាយកដ្ឋានកៅស៊ូដែលចេញកាលពីថ្ងៃទី២៥ ខែតុលា កន្លងទៅនេះបានឲ្យដឹងថា រយៈពេល៩ខែ ឆ្នាំ២០២១នេះ កម្ពុជារកចំណូលបានជាង ៣៨០លានដុល្លារ ពីការនាំចេញជ័រកៅស៊ូ និងឈើកៅស៊ូ ដែលចំនួននេះមានការកើនឡើង ៨% បើធៀបនឹងរយៈពេលដដែលនៃឆ្នាំមុន ប៉ុន្តែចំណូលទាំងនោះសុទ្ធសឹងបានពីការនាំចេញទៅកាន់ទីផ្សារអន្តរជាតិ។
គួរបញ្ជាក់ថា ក្រុមហ៊ុនយក្សរបស់ចិនមួយឈ្មោះថា Jiangsu General Science បានជ្រើសរើសមកដាក់ទីតាំងរោងចក្រផលិតកង់រថយន្ដនៅកម្ពុជាជាមួយទុនប្រមាណ ២០០លានដុល្លារ និងលទ្ធភាពផលិតកង់ឡានបាន ៦លានឯកតាក្នុងមួយឆ្នាំ គិតជាចំណូលប្រចាំឆ្នាំប្រមាណ ២៥លានដុល្លា៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សហគ្រិនខ្មែរ ពង្រីកការគាំទ្រដល់សហគ្រិន ពង្រឹងភាពជាដៃគូ និងបង្កើនឱកាសទីផ្សារសម្រាប់ផលិតផលខ្មែរ
ព្រឹត្តិការណ៍, អត្ថបទពាណិជ្ជកម្ម
• 24/07/2026
ក្រុមប្រឹក្សាបរធនបាលនៃសហគ្រិនខ្មែរ បានរៀបចំកិច្ចប្រជុំលើកទី២០ ដើម្បីពិនិត្យវឌ្ឍនភាពនៃការអនុវត្តកម្មវិធី និងអនុម័តគំនិតផ្តួចផ្តើមសម្រាប់ទិសដៅការងារដំណាក់កាលបន្ទាប់ សំដៅពង្រឹងប្រសិទ្ធភាពនៃការគាំទ្រសហគ្រិនភាពនៅកម្ពុជា
ថាមពលស្អាត ក្លាយជាផ្នែកមួយនៃកំណើនសេដ្ឋកិច្ច និងការប្រកួតប្រជែងរវាងប្រទេសមហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 23/07/2026
ថាមពលស្អាតបានក្លាយជាវិស័យអាទិភាពដ៏លេចធ្លោ និងកំពុងមានការប្រកួតប្រជែងយ៉ាងខ្លាំងរវាងប្រទេសមហាអំណាច និងជំរុញដល់បណ្តាប្រទេសកំពុងអភិវឌ្ឍន៍មួយចំនួនចាប់យកមកអនុវត្តបន្ត
ក្រុងតេហេរ៉ង់ ព្រមានប៊ុលហ្ការីជុំវិញផែនការចល័តទ័ពអាម៉េរិកនៅមូលដ្ឋានទ័ពអាកាស Bezmer
ព្រឹត្តិការណ៍, អាជីវកម្មថ្មី និងនវានុវត្ត
• 23/07/2026
អ៊ីរ៉ង់បានចេញការព្រមានផ្ទាល់មួយទៅកាន់ប្រទេសប៊ុលហ្ការី ដោយអំពាវនាវដល់ប្រទេសនេះកុំអនុញ្ញាតឱ្យសហរដ្ឋអាម៉េរិកប្រើប្រាស់ទឹកដីដែនអាកាស ឬហេដ្ឋារចនាសម្ព័ន្ធយោធារបស់ខ្លួនសម្រាប់ប្រតិបត្តិការណាមួយ ដែលតម្រង់ទិសដៅវាយប្រហារលើសាធារណរដ្ឋឥស្លាមអ៊ីរ៉ង់ឡើយ
ធនាគារ ហត្ថា ចូលរួមគាំទ្រវិស័យអប់រំ ការអភិវឌ្ឍធនធានមនុស្ស និងការលើកកម្ពស់បរិស្ថានបៃតង
ព្រឹត្តិការណ៍, អត្ថបទពាណិជ្ជកម្ម
• 23/07/2026
ធនាគារ ហត្ថា ចូលរួមគាំទ្រវិស័យអប់រំ ការអភិវឌ្ឍធនធានមនុស្ស និងការលើកកម្ពស់បរិស្ថានបៃតងដល់បរិយាកាសសិក្សាប្រកបដោយផាសុកភាព
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content