សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ព្រះសីហនុ ៖ ពិធីបុណ្យសមុទ្រលើកទី៩ ជុំទី៣ នៅខេត្តព្រះសីហនុ រយៈពេល៣ថ្ងៃ ចាប់ពីថ្ងៃទី៩-១១ ខែធ្នូ ឆ្នាំ២០២២នេះ មានភ្ញៀវទេសចរនិងប្រជាពលរដ្ឋចូលរួមដើរលេងកម្សាន្តសរុបជាង៧០ម៉ឺននាក់។ ជាមួយគ្នានេះ ដោយមើលឃើញពីកំណើនភ្ញៀវទេសចរដ៏ច្រើនកុះករនេះ អាជ្ញាធរខេត្តបានសម្រេចបន្តការរៀបចំបុណ្យជូនប្រជាជនចំនួន ១ថ្ងៃ ឬ២ថ្ងៃទៀត។
នៅក្នុងចំណោមភ្ញៀវទេសចរទាំង៧០ម៉ឺននាក់ខាងលើ ថ្ងៃទី១ និងទី២ខេត្ត ទទួលបានភ្ញៀវសរុបជាង ៤០ម៉ឺននាក់រួចទៅហើយ បូករួមជាមួយភ្ញៀវប្រមាណជា ៣០ម៉ឺននាក់នៅថ្ងៃទី៣ទៀត បានរុញឱ្យខេត្តព្រះសីហនុទទួលបានភ្ញៀវសរុបជាង ៧០ម៉ឺននាក់។ ដោយឡែក ភ្ញៀវជាតិមានចំនួន ៧០៨ ០០០ និងភ្ញៀវបរទេសចំនួន ៤ ០០០នាក់។
ចំណែកឯការធ្វើដំណើររបស់ភ្ញៀវទេសចរវិញ មានភ្ញៀវខ្លះចូលតាមព្រលានយន្តហោះអន្តរជាតិមានចំនួន៧ជើង សរុប២៩១នាក់ ភ្ញៀវដែលបន្តហួសទៅកម្សាន្តនៅតាមបណ្តាកោះមានភ្ញៀវសរុប ១ ១៧៣នាក់ នៅតាមរមណីយដ្ឋាន បណ្តាឆ្នេរ និងទស្សនាតន្រ្តីនានា មានចំនួនសរុប ៧១១ ១២៣នាក់។ នេះបើតាមការឱ្យដឹងពីលោក តាំង សុចិត្រគ្រឹស្នា ប្រធានមន្ទីរទេសចរណ៍ខេត្តព្រះសីហនុ។ យ៉ាងណាមិញ បើទោះជាភ្ញៀវទៅកម្សាន្ដខេត្តព្រះសីហនុមានច្រើន និងបង្កការកកស្ទះយ៉ាងណាក្ដី តែក៏មិនមានជាបញ្ហាសន្តិសុខណាមួយដែលចោទជាបញ្ហានោះទេ ពោលគឺព្រឹត្តិការណ៍បុណ្យសមុទ្ររយៈពេលបីថ្ងៃនេះ ប្រព្រឹត្តទៅដោយរលូន។
គួរបញ្ជាក់ដែរថា នៅក្នុងព្រឹត្តិការណ៍បុណ្យសមុទ្រនេះដែរ មានឆាកប្រគំតន្ត្រីធំៗ៥កន្លែងនៅតាមបណ្ដោយឆ្នេរសមុទ្រនៃក្រុងព្រះសីហនុ និងសកម្មភាពកម្សាន្តជាច្រើនទៀត។ នៅវេលាយប់នេះនៅមានការសម្ដែងសិល្បៈ របាំ ចម្រៀងនៅលើឆាកធំនៃទីលានតេជោ ដែលភ្ញៀវទេសចរ ក៏ដូចជាប្រជាពលរដ្ឋគឺអាចចូលទស្សនាកម្សាន្តដោយសេរី។ ក្រៅពីនេះក៏មានការតាំងពិព័រណ៍ពាណិជ្ជកម្ម និងមហោស្រពម្ហូបអាហារ និងភេសជ្ជៈនៅទីលានតេជោ សរុបទាំងអស់មានចំនួន៣០០ស្ដង់ទៀត៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អ្នកជំនួញធំៗនៅកម្ពុជា រួមគ្នាអភិវឌ្ឍវិស័យកសិកម្ម ជំរុញការកែច្នៃ និងផលិតក្នុងស្រុកឱ្យបានកាន់តែច្រើន
Top News, ព្រឹត្តិការណ៍, សេដ្ឋកិច្ច
• 16/06/2026
អ្នកជំនួញធំៗនៅក្នុងប្រទេសកម្ពុជា បានរួមគ្នាជំរុញការអភិវឌ្ឍវិស័យកសិកម្ម ដើម្បីបង្កើនការផលិត និងកែច្នៃក្នុងស្រុកឱ្យបានកាន់តែច្រើន សម្រាប់ផ្គត់ផ្គង់ទីផ្សារ
មោទនភាពខ្មែរ ! ក្រុមហ៊ុន ខ្មែរ ប៊ែវើរីជីស នាំយកមេដាយមាសលំដាប់ពិភពលោក Monde Selection ឆ្នាំ២០២៦ ចំនួន១០មកកម្ពុជា
ព្រឹត្តិការណ៍, អត្ថបទពាណិជ្ជកម្ម
• 16/06/2026
មោទនភាពខ្មែរ ! ក្រុមហ៊ុន ខ្មែរ ប៊ែវើរីជីស នាំយកមេដាយមាសលំដាប់ពិភពលោក Monde Selection ឆ្នាំ២០២៦ ចំនួន១០ ពីទីក្រុងប៉ារីស មកកាន់ប្រទេសកម្ពុជា
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content